380 ndeshje të dyshuara për manipulim

17:01 / 4.02.2013

Europoli ka zbuluar se 380 ndeshje futbolilstike në mbarë globin janë në dyshim për manipulim, pas një hetimi të gjatë për atë që quhet rrjet i organizuar kriminal në sport.

 425 lojtarë, zyrtarë dhe individë të tjerë janë të dyshuar se janë përfshirë në një sindikatë të organizuar kriminale me bazë në Azi, që besohet se ka planifikuar operacionet e fiksimit të rezultateve të ndeshjeve.

Rob Wainwright, drejtor i Europolit, thotë se në këto ndeshje të dyshuara përfshihen edhe dy ndeshje të Ligës së Kampionëve, një prej të cilave është luajtur në Angli në dy-tri vitet e fundit edhe pse autoritetet nuk dhanë emrin e këtij klubi.

“Këtu kemi të bëjme me një organizatë të dyshuar kriminale me bazë në Azi dhe që operon me rrjetin e saj në Evropë. Është e qartë për ne se ky është hetimi më i madh për fiksim të ndeshjeve të bërë ndonjëherë në Evropë. Kemi marrë rezultate të mëdha të cilat kanë shfaqur në mënyrë të befasishme dhe të papritur atë që po ndodh në futboll. Ne kemi zbuluar një rrjet të fuqishëm kriminal”, ka theksuar Wainwright.

Pagesa nga 2 deri në 16 milionë euro besohet se janë bërë gjatë viteve të fundit dhe për një ndeshje të vetme të fiksuar janë vënë deri në 140 mijë euro. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.