Neymar: Mund të luaj për Bayernin

20:17 / 7.02.2013

Sulmuesi i Santosit, Neymar, ka thënë se mund ta imagjinojë veten duke luajtur për Bayern Munichun në të ardhmen.

Pep Guardiola do t’i drejtojë bavarezët nga sezoni i ardhshëm, ndërsa 21-vjeçari që kërkohet nga Barcelona dhe Real Madridi, ka lënë të kuptohet se mund t’i bashkohet strategut spanjoll në Allianz Arena.

“Të gjitha ligat janë interesante duke përfshirë edhe Bundesligan. Bayerni është një klub i madh me lojtarë të jashtëzakonshëm. Unë mund ta përfytyroj veten duke luajtur për Bayernin. Nuk ka asgjë që flet kundër kësaj”.

“Schweinsteiger është një nga lojtarët më të mirë që kam parë. Është baza ajo që e bën të fortë: pozicionimi, pasimet dhe prania e tij në fushë”, ka deklaruar braziliani. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.