Rooney: Vështirë të ndalet Ronaldo

15:35 / 13.02.2013

Sulmuesi i Manchester United, thotë se bashkëlojtarët e tij duhet të jenë në formën më të mirë për ta ndaluar Cristiano Ronaldon në takimin e sotëm të Ligës së Kampionëve ndaj Real Madridit.

Portugezi ka shënuar 10 gola në gjashtë ndeshjet e fundit, dhe sonte do të përballet me ish-bashkëlojtarët e tij në sfidën e parë të 16 ekipeve të mbetura në garën evropiane.

“Unë kam luajtur me Cristianon për disa vite dhe ai është një lojtar fantastik, ai dhe Messi janë dy lojtarët e jashtëzakonshëm në futbollin e sotëm”.

“Ai sigurisht se është kërcënimi më i madh nga Real Madridi. Ai është një talent i jashtëzakonshëm dhe do të jetë vështirë të përpiqemi ta mbajmë të qetë atë, dhe jam i sigurt se nëse mundemi ta bëjmë këtë, kjo do të na japë shanse më të mira për të nxjerrë rezultatin që dëshirojmë”, ka thënë Rooney. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.