Milani, sinjal Barcës dhe Interit

22:40 / 15.02.2013

Milani u ka dërguar sinjal të qartë Barcelonës dhe Interit para dy ndeshjeve të mëdha që zhvillohen javën e ardhshme, me fitoren e arritur në shtëpi sonte mbrëma ndaj Parmës me rezultat 2-1.

Milani tregoi karakter të madh në fush nga fillimi i takimit, por Parma u tregua mjaft e rrezikshme në kundërsulme.

Goli i parë i Milanit erdhi pas 39 minutash lojë nga një autogol fatkeq i Palettas që bëri që pjesa e parë të mbaronte me rezultat 1-0.

Në pjesën e dytë Milani intensifikoi përpjekjet për të realizuar dhe golin e sigurisë.

Mario Balotelli e tregoi formën e tij të lartë para ndeshjeve të mëdha me një eurogol nga gjuajtja e lirë në minutën e 78-të, për 2-0 dhe epërsinë Rossonere.

Në minutën e fundit të takimit ishte Parma që shënoi golin e nderit për 2-1 me anë të Sansones, por kjo nuk ndikoi ne epilogun e këtij takimi.

Me këtë fitore Milani arrin në kuotën e 44 pikëve në vendin e tretë me pikë të barabarta me Lazion dhe me një pikë më shumë se Interi që i shkon Fiorentinës.

Milani të mërkurën e pret Barcelonën në duelin e parë të 1/8-ës së finales së Ligës së Kampionëve, para se t’i shkojë 85 mijë Nerazzurëve të dielën më 24 shkurt. /Telegrafi/


 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.