Milan - Barca, formacionet e mundshme

17:45 / 20.02.2013

Sonte në mbrëmje në tempullin mitik, San Siro, Barcelona do të përballet me ferrin e 85 mijë tifozëve Rossonerë, të cilët do të përkrahin skuadrën e tyre drejt synimit të pamundur – gjunjëzimin e ekipit më të mirë në histori të futbollit dhe Telegrafi sjell formacionet e mundshme të armatave që do të kryqëzojnë shpatat sonte mbrëma.

Milani në këtë takim pritet që të paraqitet me një formacion fleksibil prej 4-3-3 dhe befasia do të jetë vendosja e Kevin Prince Boateng në krahun e sulmit të përbërë nga Pazzini dhe El Shaarawy.

Cristian Zapata dhe Philippe Mexes do të startojnë në qendër të mbrojtjes, përderisa mesfusha do të jetë e përbërë nga Massimo Ambrossini, Riccardo Montolivo dhe Sulley Muntari.

Mario Balotelli nuk do të luajë për shkak se është paraqitur këtë sezon në Ligën e Kampionëve për Manchester Cityn.

Barcelona do të paraqitet me formacion klasik, ku në sulm do të jenë Pedro, Iniesta dhe Messi, teksa konfirmohet rikthimi i Xavit në mefushë bash me Busquets dhe Fabregas.


Milani (4-3-3): Abbiati, Abate, Mexes, Zapata, Constant, Montolivo, Ambrosini, Muntari, Boateng, Pazzini, El Shaarawy.

                                Abbiati
          Abate - Mexes - Zapata - Constant
             Montolivo - Ambrosini - Muntari
                Boateng - Pazzini - El Sharawy


Barcelona (4-3-3): Valdes, Dani Alves, Pique, Puyol, Jordi Alba, Xavi, Busquets, Fabregas, Pedro, Messi, Iniesta.

                        Valdes 
    Alves - Pique - Puyol - Alba 
           Xavi - Busquets - Cesc
          Pedro - Messi - Iniesta



             

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.