Michu i lumtur me trofeun e parë në karrierë
Sulmuesi i Swanseas, Michu, ka thënë se është i lumtur që arriti të fitojë titullin e parë në karrierën e tij. Në finalen që u zhvillua në Wembley, Swansea e shkatërroi Bradfordin me rezultat të lartë 5-0 dhe kështu u shpall fituesi i Capital One Cup.Sulmuesi spanjoll këtë edicion ka qenë në formën jetësore duke shënuar 19 gola deri më tani për ekipin anglez.
“Një pozitë e mirë në Ligën Premier dhe tani titulli i parë në karrierën time dhe me këtë lloj performance... ka qenë ditë e mirë”.
“Ishte ndeshje e madhe, 90 mijë njerëz ishin në Wembley, por me këtë performancë të ekipit, mendoj se e merituam fitoren”, ka thënë Michu për Sky Sports. /Telegrafi/
