Handanovic: Unë vetëm bëra punën time
Portieri i Interit, Samir Handanovic, ishte heroi i ndeshjes për Nerazzurrët me pritjet që i bëri duke ua mohuar golin në shumë raste Rossonerëve, por ai për këtë shprehet me modesti se vetëm ka bërë punën e tij.“Unë vetëm bëra punën time. T’i ndaloj golat është puna ime dhe ju nuk mund të pritni që unë mos t’i mbroj golat në derbi”.
“Të gjitha pritjet që i bëj janë të vështira, ju nuk mund të thoni se disa janë më të vështira se të tjerat. Sidoqoftë, jam i kënaqur me pritjen që ia bëra Balotellit zhagaz”.
“Nuk do ta vlerësoja veten me notën 10, këtë duhet ta vlerësojnë të tjerët”, ka thënë Handa për Football Italia. /Telegrafi/
