Wilshere: Sezoni ende nuk ka përfunduar
Mesfushori i talentuar i Arsenalit, Jack Wilshere, ka thënë se Topçinjtë duhet të luftojnë ende, sepse asgjë nuk ka mbaruar.Arsenali është vetëm një pikë larg pozitës së katërt, të cilën e mban Tottenhami me një ndeshje më pak, por këto dy skuadra do të takohen këtë fundjavë dhe gjërat mund të ndryshojnë. Në anën tjetër Topçinjtë janë pranë eliminimit në Ligën e Kampionëve, pasi e humbën ndeshjen e parë me rezultat 1-3 kundër Bayern Munichut dhe vështirë se do ta kthejnë rezultatin në Allianz Arena.
“Sezoni ynë ende nuk ka përfunduar. Kemi një mundësi të madhe ndaj Tottenhamit në fundjavë. Pastaj, kemi edhe një ndeshje të madhe kundër Bayernit”.
“Do të jetë vështirë por nëse nuk frikësohemi, çdo gjë mund të ndodhë”, ka thënë Wilshere për Sky Sports. /Telegrafi/
