Nëse Reali i humb tri ndeshjet e radhës – Mou duhet të shkojë

18:36 / 26.02.2013

Ish-trajneri i Argjentinës dhe Barcelonës, Cesar Luis Menotti, mendon se Jose Mourinho duhet të japë dorëheqje nëse Real Madridi nuk i fiton tri ndeshjet e radhës.

Mbretërit i zhvillojnë dy ‘el Clasico’ radhazi (një në Kupën e Mbretit dhe një në La Liga) dhe pastaj udhëtojnë në Old Trafford për ta zhvilluar ndeshjen e kthimit ndaj Manchester Unitedit në Ligën e Kampionëve (ndeshja në Bernabeu përfundoi 1-1).

Humbja në të tria këto ndeshje do të nënkuptonte fundin e sezonit për Los Blancos.

“Nëse Madridi përjashtohet nga gjithçka këto javë, Casillasi bëhet figurë (kyçe) dhe Mourinho duhet të largohet”.

“Futbolli i ka këto rregulla, të cilat vlejnë për të gjithë. Abuzimi si trajner mund të lejohet vetëm kur je kampion”.

“E gjitha fuqia të jepet vetëm për sukses, ajo nuk të takon kur nuk fiton dhe nuk triumfon”, ka deklaruar Menotti për Grada360. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.