Frings i jep fund karrierës

19:04 / 26.02.2013

Mesfushori defensiv, Torsten Frings, ka vendosur t’i japë fund karrierës si futbollist, ndërsa një nga arsyet kryesore është lëndimi në ije që po i shkakton probleme qe një kohë të gjatë.

Gjermani 36-vjeçar pjesën më të madhe të karrierës e kaloi te Werder Bremeni (1997–2002 dhe 2005–2011), me të cilin ka luajtur në finale të Kupës UEFA dhe ka fituar dy Kupa të Gjermanisë.

Ai ka veshur edhe fanellën e Bayern Munichut (2004–2005), me të cilin është shpallur kampion i Gjermanisë, si dhe ka luajtur për Borussia Dortmundin (2002–2004). Vitet e fundit i kaloi në MLS, te Toronto FC (2011-2013).

Frings ka regjistruar 79 paraqitje për kombëtaren e Gjermanisë duke shënuar 10 gola. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.