Reali vonon në maksimum festën e Barcës

23:25 / 8.05.2013

Përkundër problemeve dhe ndarjeve në zhveshtore, Real Madridi ka arritur t’i hakmirret Malagas duke e mposhtur me rezultat 6-2 në një ndeshje tejet interesante të zhvilluar në Santiago Bernabeu.

Me të filluar takimi, Raul Albiol (3’) e hapi serinë e golave për 1-0.

Pas një harkim i në zonë dhe një përgjumje të mbrojtjes mbretëore, ishte Santa Cruz që u gjend më së miri për të realizuar për 1-1 dhe barazimin e rezultatit.

Në minutën e 21-të u përjashtua nga loja Sanchez dhe Ronaldo u gjend para pikës së bardhë për të konkretizuar golin. Sidoqoftë, kjo nuk ndodhi, pasi 28-vjeçari dështoi.

Por, vetëm katër minuta më vonë (25’), Ronaldo arriti të realizonte nga afërsia pas një gjuajtje indirekte të akorduar për vendasit.

Mesut Ozil shënoi për 3-1 pas 33 minutash lojë me asistimin e Ronaldos dhe ishte portugezi ai që tregoi se nuk është egoist duke asistuar edhe për Benzeman në minutën e 45-të për 4-2. Më herët edhe Antunes (36’), shënoi golin e dytë për Malagan.

Me rezultatin 4-2 mbaroi dhe pjesa e parë, kurse pjesa e dytë ishte paksa më e varfër.

Luka Modric shënoi në minutën e 63-të për 5-2. Në minutën e 73-të nga loja u përjashtua edhe Demichelis me kartonin e dytë të verdhë, dhe kjo ndikoi që Angel Di Maria t'i shtohej listës së realizatorëve për 6-2 në minutën e fundit të takimit. 

Reali ka kështu 80 pikë në vendin e dytë, tetë pikë më pak se sa Barcelona që i duhet fitorja ndaj Atletico Madridit ne ndeshjen e radhës që edhe zyrtarisht ta sigurojë titullin e kampionit të Spanjës për këtë sezon. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.