Ronaldo shënon golin e 200-të për Realin

23:51 / 8.05.2013

Cristiano Ronaldo mund të ketë humbur një penalti në ndeshjen ndaj Malagas, por goli i tij i mrekullueshëm nga gjuajtja indirekte ishte goli i tij i 200-të në fanellën e Real Madridit.

Portugezi nuk arriti që të realizonte nga pika e bardhë në minutën e 22-të, por arriti që vetëm pesë minuta më vonë të realizonte një eurogol.

Ronaldo e luajti ndeshjen e tij të 197-të në fanellën e Realit dhe tashmë ka shënuar 54 gola në 53 ndeshje këtë sezon për klubin e tij.

Me golin e 200-të, Ronaldo është golashënuesi i gjashtë më i mirë në historinë e klubit mbretëror, tetë prapa sulmuesit legjendar në vendin e pestë, Hugo Sanchez.

Real Madridi e shtyu festën për titull të Barcelonës, të cilës tani i duhet një fitore ndaj Atletico Madridit për të zyrtarizuar trofeun e La Ligas këtë sezon. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.