Reperi nga Shqipëria, Noizy, si duket nuk e ka ndërmend të ndalet. Lideri i grupit OTR ka lansuar një tjetër këngë dedikuar Babastars, por kësaj radhe në një bashkëpunim me Sekondarin.
Kënga sigurisht se do të shndërrohet në një hit ndër fansat e Noizyt, por sigurisht se nuk do t’i pëlqejë asnjë prej anëtarëve të Babastars, e sidomos Ledrit.
Në këtë diss, të cilit Noizy ia ka shoqëruar menjëherë klipin, mund të dallohet një repturë e ashpër me fyerje të rënda.
“Nusen tënde ta ka ** krejt estrada, a po t’dhem tash o Ledri Gaga”, është vetëm një prej vargjeve të repturës së Noizyt në këngën ‘Na Jena OTR’.
Në ndërkohë na del që kënga e re e Noizyt të jetë e kopjuar nga De La Ghetto dhe Mavado "Come Out and See". Melodia është tërësisht e kopjuar, teksa teksti është fyes dhe prek thellësisht një femër, tipar ky jo tipik për një burrë shqiptar.
Muaj më parë Noizy dhe Babastars ishin të përfshirë në një rrahje në aeroportin e Zurichut nga ku më pas nga beteja me grushte arena u zhvendos në anën profesionale duke i nxjerrë diss-a njëri-tjetrit. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
