Affleck: Viti me J.Lo, më i keqi në jetën time
Viti të cilin e ka kaluar me këngëtaren dhe aktoren, Jennifer Lopez, është viti më i keq në jetën e Ben Affleck, konsideron aktori. Ai ka thënë se nuk i pëlqen kur njerëzit ia kujtojnë atë që ka ndodhur në jetën e tij private dhe në karrierën e tij në vitin 2003.“Në kulturën tonë, njerëzit e kanë zakon t’i etiketojnë të tjerët. Ndërsa unë kam qenë i etiketuar si ‘ai që ka qenë me Jennifer Lopezin’. Askush nuk i donte filmat e mi, më konsideronin diletant të pandjeshëm dhe egoist. Është vështirë kur dëgjoni fjalë të tilla. Ndërsa të gjithë njerëzit dinin vetëm për vitin 2003, i cili për mua është padyshim viti më i keq në jetë”.
“Kam xhiruar disa filma të këqij, Shpesh kam qenë nëpër ballina për arsye të gabuara. Njerëzit e mbajnë mend vitin 2003, Jennifer Lopezin dhe filmin ‘Gigli’”, ka thënë Affleck për Details.
Ben dhe J.Lo filluan lidhjen në vitin 2002, ndërsa menjëherë pas xhiruan komedinë romantike “Gigli”. Ata u fejuan në nëntor të po të njëjtit vit, ndërsa Affleck u paraqit në videoklipin e Lopez të këngës “Jenny From The Block”.
Lidhja e tyre përfundoi në vitin 2004, ndërsa më pas Affleck filloi lidhjen me Jennifer Garner, me të cilën tash ka tre fëmijë. /Telegrafi/
