Geti: Ledri, artist i talentuar

13:47 / 11.12.2012

Getoar Selimi e ka cilësuar ish-bashkëpunëtorin e tij, Ledri Vula, si një ndër artistët më të talentuar të skenës sonë.

Edhe pse Ledri kohë më parë ka braktisur muzikën dhe labelin BabaStars, Geti nuk mban inat ndaj tij. Përkundrazi, ai e lavdëron ish-kolegun e tij duke thënë fjalë të mira për të.

“Unë kam qenë ai që e kam përkrahur që në fillimet e tij. Ledri ka qenë njëri prej artistëve më të talentuar jo vetëm në Babastars, por në gjithë skenën e hip-hopit”, ka thënë Geti.

Por në anën tjetër Ledri është parë duke kaluar kohë të mjaftueshme dikur me rivalët e Babastars, labelin tjetër të reperëve P.I.N .T.

Edhe pse në anën personale këta nuk kanë pasur ndonjë konflikt, thashethemet në vend po pohojnë ndonjë bashkëpunim të mundshëm mes Ledrin dhe labelit P.I.N.T.

Por asnjë pohim nga ana e këtyre të fundit nuk ka ardhur. Pjesëtarë të labelit kanë mohuar faktin se janë duke përgatitur ndonjë bashkëpunim, edhe pse lënë të kuptohet se kjo do të ishte e mirëseardhur nga ana e PINT-ave. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.