Filmi i Spielberg, shtatë nominime në Golden Globe

19:09 / 13.12.2012

Filmi i regjisorit legjendar, Steven Spielberg, “Lincoln”, pritet që të dominojë në ceremoninë e ndarjes së çmimeve Golden Globe, pasi është nominuar në shtatë kategori të ndryshme.

Filmi është nominuar për fotografinë më të mirë, për aktorin më të mirë, bëhet fjalë për Daniel Lewis i cili portretizo për mrekulli Abraham Lincoln, ndërsa edhe vet Spielberg është nominuar në kategorinë e regjisorit më të mirë të vitit.

Filmi “Downtown Abbey” ka dy nominime, përderisa këngëtarja Adele është e nominuar për këngën më të mirë origjinale, pas suksesit në filmin “Skyfall”.

Ceremonia e 70-të jubilare e ndarjes së çmimeve Golden Globe do të mbahet në Los Angeles më 13 janar të vitit të ardhshëm, ndërsa nikoqirë të mbrëmjes do të jenë Tina Fey dhe Amy Poehler.

Nominihet u bënë të ditura nga Ed Helms, Megan Fox dhe Jessica Alba në Beverly Hills të Kalifornisë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.