Madonna ua ndalon fansave duhanin

20:57 / 21.12.2012

Mbretëresha e muzikës pop, Madonna, ka reaguar ndaj fansave që kanë pirë duhan në koncertin e saj në Kili.

Gjithçka kishte filluar gjatë provave të zërimit në koncertin e mbajtur në Santiago, ndërsa në një moment tymi i duhanit ia kishte mbuluar fytyrën divës së muzikës.

“Ndalni cigaret ose nuk do të këndoj”, ka kërcënuar këngëtarja.

“Disa njerëz po pinë duhan tash, mos pini, sepse nëse tymosni do ta anuloj koncertin”, ka shtuar Madonna, mirëpo fansat kishin menduar se ajo tallej.

Në vazhdim, ajo e ka kapur një fans duke i bërtitur: “Shikon drejt në mua dhe pi cigare, sikur të jem një idiote e marrë”.

Duke parë se nuk mund të shtyheshin me të, fansat i kanë hedhur cigaret, ndërsa Madonna ka vazhduar të këndojë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.