Edhe Gjykata e Apelit vendos në favor të Rezartës

12:14 / 22.12.2012

Gjykata e Apelit i ka dhënë fund çështjes ndaj këngëtares Rezarta Shkurta, e cila është paditur nga këngëtarja dhe aktorja, Rozana Radi.

Gjyqtari i rastit ka vendosur ta pushojë gjykimin ndaj këngëtares Shkurta, mbi të cilën rëndon akuza për shkaktim të plagosjes së lehtë – njofton Bluetooth.

Sipas gjykatës, kjo akuzë është vepër e amnistueshme dhe për këtë arsye, çështja pushohet nga gjykata. Kjo do të thotë se Rezarta është e lirë tashmë nga çdo akuzë.

Vetëm pak kohë më parë, Rozi ka depozituar pranë Gjykatës së Tiranës padinë ndaj Shkurtës, pasi dy këngëtaret u konfliktuan edhe fizikisht. Por, Gjykata e Shkallës së Parë në Tiranë e nxori të pafajshme Rezartën dhe pas kësaj Rozana e ankimoi vendimin pranë Gjykatës së Apelit, e cila e pushoi çështjen. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.