Tuna kërkon ndihmë nga fansat

14:05 / 27.12.2012

Këngëtarja nga Maqedonia, Altuna Sejdiu – Tuna, e cila është anëtare e jurisë në spektaklin për talentë ‘X Factor’, ka kërkuar ndihmë nga fansat për të përzgjedhur këngët të cilat do t’i performojnë vajzat e grupit të saj në këtë shou televiziv.

Të jesh pjesë e jurisë, ku çdo javë duhet zgjedhur më shumë se dhjetë këngë, nuk është edhe aq e lehtë, ndërsa duket së këngëtares tashmë i kanë mbaruar idetë, prandaj po kërkon ndihmë nga fansat dhe shoqëria e saj.

“Dërgoni propozime për këngët, të cilat do të donit t’i interpretojnë pesë vajzat e grupit tim në ‘X Factor’, Arilena, Antonela, Shkelqesa, Xhina, Elisa. Flm” – ka shkruar këngëtarja në rrjetet sociale Facebook dhe Twitter. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.