Britney Spears largohet nga X Factor?
Britney Spears besohet se do të shkarkohet nga detyra e juristes në emisionin më të madh të talentëve të këndimit në Amerikë, X Factor. Krijuesja e hitit “Holt It Against Me”, e cila ishte juriste e serisë së dytë të X Factor që po transmetohet në Fox, besohet se nuk do t’i rinovohet kontrata pasi producentët janë të zhgënjyer nga energjia e dobët e reflektuar nga ajo, që ka bërë që ajo të quhet e bezdisshme nga shikuesit.
“Britney do të përjashtohet. Producentët e kërkuan atë në mënyrë afatgjate, por nuk po funksionon. Ata paguan 15 milionë dollarë për të që njerëzit të thonë se ajo është fantastike, por ajo zhgënjeu”, ka thënë një burim i UsMagazine. /Telegrafi/
