Dj Sabb i preferuari i Boris Nyc

11:51 / 16.01.2013

Dj Sabb është njëri ndër pesë DJ më të preferuar të Dj Boris Nyc, i cili është njëri ndër muzicientët më të njohur në botë.

Në një intervistë për një portal muzikor në Amerikë, Dj Boris ka zgjedhur pesë DJ-të më të mirë të momentit, të cilët po i bëjnë përshtypje të madhe.

Ndër shumë emra të njohur në botën e DJ-ve, ishte dhe emri i kosovarit Dj Sabb, të cilin e ka cilësuar si njërin ndër më të mirët.

“Një producent i shkëlqyeshëm nga Kosova, që po krijon bomba”, është përshkrimi që Boris ka thënë për Sabb.

DJ kosovar, emri i vërtetë i të cilit është Sabri Kastrati, është një prej muzicientëve më aktiv kosovarë të zhanrit house. /Telegrafi/

 

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.