Mihrija, duet me djalin e saj

14:49 / 16.01.2013

Mihrije Braha ka sjellë sërish në skenë djalin e saj, Platorin, me të cilin ka realizuar një duet i cili së shpejti do të shoqërohet edhe me videoklip.

Gjatë programeve festive të fundvitit, Mihrija u paraqit në skenë me një duet të ri, ku këtë radhë kishte zgjedhur djalin e saj.

Kënga e titulluar “Fama” u mirëprit mjaft mirë nga publiku dhe nga fansat e saj, gjë që e ka shtyrë këngëtaren të mendojë ta realizojë edhe në klip.

Në një intervistë të dhënë për gazetën “Express” këngëtarja ka treguar se kënga është pëlqyer shumë edhe nga Platori, i cili edhe pse ka pasur ndërmend të kyçet në muzikë tash, nuk ka mundur t’i rezistojë bashkëpunimit me nënën e tij.

Kënga “Fama” është punuar nga Armend Rexhepagiqi dhe Aida, ndërsa klipi do të fillojë të xhirohet gjatë shkurtit, edhe pse ende nuk është vendosur se me cilin produksion. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.