Tevez, gjashtë muaj pa leje të vozitjes

17:44 / 16.01.2013

Futbollisti argjentinas, Carlos Tevez, ka mbetur pa leje të vozitjes për gjashtë muajt e ardhshëm, pas kundërvajtjes së tretë brenda një viti.

Sulmuesi i Manchester Cityt nuk ishte paraqitur në polici në të tria rastet pas arritjes së ftesës, ndërsa avokatët e tij e kanë arsyetuar se nuk i ka kuptuar fjalët – raportojnë mediat britanike.

Përveç marrjes së lejes së vozitjes, 28-vjeçari është dënuar edhe me para, 1.540 funte, që është gjë e vogël duke llogaritur milionat që fiton ai.

Për më shumë, argjentinasi nuk ka leje valide për në Britani të Madhe (Tevez ka pasur të drejtë të vozisë vetëm 12 muaj me lejen nga Argjentina, ndërsa më pas është dashur t’iu nënshtrohet testeve në Britani të Madhe për të nxjerrë atje leje të vozitjes). /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.