Ish-presidenti Carter, në Washington për ta parë Beyoncen (Video)

20:28 / 21.01.2013

Ish-presidenti amerikan, Jimmy Carter, ishte i pranishëm në Washington për të përcjellë ceremoninë e inaugurimit të Barack Obamas, i cili të hënën dha betimin për mandatin e dytë si president i SHBA-ve.

Para ceremonisë, Carter u tha gazetarëve se është i ngazëllyer që do të ulet në rend të parë dhe do ta shikojë Beyoncen teksa e këndon himnin kombëtar amerikan.

“Vërtet jam... Mezi po pres ta shoh... Po ashtu edhe presidentin”, deklaroi Carter.

Ai ishte i pranishëm në ceremoni me gruan e tij, ndërsa kur e pyetën gazetarët nëse është po aq i entuziazmuar që do ta shohë edhe reperin Jay-Z (burrin e Beyonce), ish-presidenti u përgjigj shkurt: “Absolutisht”. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.