Frank Ocean ia falë Chris Brownit

21:12 / 3.02.2013

Këngëtari amerikan, Frank Ocean, ka bërë një deklaratë në të cilën thotë se ai nuk do të akuzojë askënd dhe as Chris Brownin pas përleshjes së tyre në një parking në Los Angeles.

 Frank Ocean ishte përfshirë në një rrahje brutale me Chris Brown në parkingun e një studio muzikore në Los Angeles dhe është besuar se Frank Ocean do të shfrytëzonte rastin për t’i rrëfyer policisë me anë të një akuze formale për këtë incident, që do ta kthente automatikisht në burg Chris Brown, i cili është në liri me kusht.

“Si fëmijë kam menduar se nëse më prek dikush duhet që ta vras apo ta zhduk nga faqja e dheut. Por, si burrë nuk jam më vrasës. Unë jam artist dhe njeri modern. Unë zgjedh qetësinë. Nuk do të bëj aktakuzë. E as padi. Atributi më i madh për një njeri është falja, përkundër vështirësisë. Unë dua paqe në jetën time të shkurtër. Paqe”, shkruan në një komunikatë të Ocean.

Në rast se Frank Ocean do ta padiste Chris Broënin atëherë ky i fundit do të kthehej edhe për tri vjet të tjera në burg për shkak se është në liri me kusht pas rrahjes brutale në vitin 2009 të të dashurës, Rihanna. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.