Gotye triumfon në Grammy Awards

16:31 / 11.02.2013

Gotye dhe “Mumford & Sons” kanë dominuar në ndarjen e sivjetme të çmimeve Grammy, që u ndanë mbrëmë në Los Angeles.

Kënga më e mirë e vitit 2012 është shpallur ‘We Are Young’ e grupit Fun, ndërsa produksioni më i mirë është shpallur ‘Somebody That I Used To Know’ e australianit Gotye. Ky i fundit fitoi edhe dy çmime të tjera në mbrëmjen e ndarjes së çmimeve Grammy, çmimin e albumit më të mirë të muzikës alternative dhe performancën më të mirë duo me këngëtaren Kimbra, pikërisht me këngën e sipërpërmendur.

Gotye dhe Kimbra duke pozuar me trofetë e fituara (Foto: AFP)

Adele ka shtuar listën e çmimeve të saj Grammy pasi mbrëmjen e së dielës këngëtarja britanike ka marrë çmimin për versionin më të mirë “live” me këngën ‘Set Fire To The Rain’. Ajo mundi konkurrencën e Kelly Clarkson, Carly Rae Jepsen, Katy Perry dhe Rihanna. Kjo fitore pason suksesin e jashtëzakonshëm që Adele arriti në edicionin e kaluar të çmimeve Grammy, ku fitoi plot 6 çmime.

Mumford & Sons duke performuar (Foto: AFP)

Mumford & Sons morën çmimin e albumit më të mirë të vitit, atij me titull “Babel”. Albumi “rock” më i mirë u fitua nga grupi The Black Keys të cilët mundën grupe si Muse dhe Coldplay.

Justin Timberlake ndau skenën me reperin Jay Z (Foto: Getty Images)

Jay-Z dhe Kanye West fituan nga tre çmime për bashkëpunimin e tyre ‘Watch The Throne’. Reperët fituan çmimin e performancës më të mirë rep, bashkëpunimit më të mirë rep dhe këngës më të mirë rep. /TCH/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.