Dokumentar për “Backstreet Boys”

19:31 / 11.02.2013

Regjisori Stephen Kijak është duke përgatitur një dokumentar të metrazhit të gjatë për njërin nga bendet më të popullarizuara vokale të meshkujve, “Backstreet Boys”.

Filmi do të flasë rreth jetës së anëtarëve (A. J. McLean, Howie Dorough, Nick Carter, Kevin Richardson dhe Brian Littrell) që nga ditët e tyre të fëmijërisë e deri te suksesi në grupin e famshëm.

Dokumentari pritet të jetë i gatshëm deri në fund të këtij viti, ndërsa për këtë punë janë angazhuar producentët Mia Bays, Thomas Benski dhe Lucas Ochoa.

Në kulmin e karrierës së tyre, “Backstreet Boys” kanë shitur mbi 130 milionë albume, ndërsa grupi vazhdon të jetë i famshëm në vende të ndryshme. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.