Nuk ishte Afërdita?

20:37 / 12.02.2013

Edhe pse disa nga mediat më të mëdha botërore e quajtën ‘Afërdita Dreshaj’ vajzën që pozoi në ballkon me hamshorin hollivudian, Leonardo DiCaprio, në të vërtetë duket të ketë qenë dikush tjetër.

Ditë më parë, E! News, Daily Mail, New York Daily News, e shumë media të tjera, publikuan disa fotografi të cilat bënë bujë në internet, e sidomos në mediat shqiptare, për faktin se vajza në fotografi etiketohej si modelja dhe këngëtarja, Afërdita Dreshaj.

Madje edhe vet bukuroshja ishte cituar nga E! News të ketë thënë: “Ne vetëm po kalonim kohë së bashku si shokë”, po ashtu edhe i fejuari i saj, Shpat Kasapi ishte cituar të ketë thënë se edhe ai ka miqësi me aktorin 38-vjeçar.

Megjithatë, tash E!Online raporton se vajza e fotografuar është në fakt aktorja australiane, Margot Robbie, e cila luan së bashku me DiCaprion në filmin “The Wolf of Wall Street” dhe mes të cilëve ka lindur një dashuri.

Sidoqoftë, ekzistimi i dy lajmeve kundërthënëse në E!, ku fillimisht u tha se ishte Afërdita e më pas se ishte Margot, lë hapësira për të dyshuar se cila ishte në të vërtetë vajza pranë aktorit hollivudian, pasi që dukja e dy vajzave është mjaft e ngjashme dhe nga fotografitë nuk mund të dallohet qartë se kush është. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.