Adelina Berisha hedh poshtë pohimet e Noizyt

13:15 / 16.02.2013

Këngëtarja nga Prishtina, Adelina Berisha, kategorikisht i ka hedhur poshtë pohimet e Noizyt nëpër mediat shqiptare se ka pasur marrëdhënie seksuale me të, duke thënë se ajo është takuar vetëm dy herë me reperin dhe ka raport shoqëror me të.

Adelina për Telegrafin ka deklaruar se ajo ka qëndruar vetëm dy herë me Noizyn dhe atë në prani të nënës së saj. Ajo thotë se është prej këngëtareve më të moralshme në estradën shqiptare.

“Gjithë suksesin tim ua dedikoj prindërve të mi. Në krah të tyre, unë kam arritur këtu ku jam”.

“Është e papranueshme që mediat të transmetojnë pohime të tilla të një njeriu, i cili është takuar vetëm dy herë me mua në dy koncerte dhe atë në prani të nënës time. Jam shokuar nga këto pohime. Nuk mund të flas për këngëtaret tjera të përmendura nga ky njeri, mirëpo unë jam një prej artisteve me moralin më të lartë në gjithë estradën tonë”.

“Ato deklarata janë të papranueshme për mua, të gjithë që më njohin e dinë se jam femër tipike parimore shqiptare”, është shprehur Adelina. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.