“Passion”, 100 shpërblime për 10-vjetor

12:21 / 25.02.2013

Rrjeti i studiove të bukurisë, “Passion”, këtë vikend ka festuar 10-vjetorin e themelimit, që ishte arsye e fillimit të një loje shpërblyese për klientët e saj.

Ajo kishte filluar punën më 24 shkurt të vitit 2003 me një studio të vogël në Prishtinë, dhe tash pas dhjetë vitesh, “Passion” është një sinonim i studiove të bukurisë dhe ka arritur të krijojë një rrjet të pikave në vende të ndryshme në kryeqytetin e Kosovës.

“Ne e kemi zakon që çdo vit të festojmë përvjetorin e themelimit të Passion, gjithmonë duke mos i harruar klientët përmes ofertave të ndryshme. Mirëpo, ketë vit jubilar, edhe klientëve tanë ju kemi ofruar mundësinë që të fitojnë shumë shpërblime, si dhe te marrin shërbimet me zbritje”.

“Përmes Facebook-ut kemi organizuar një lojë shpërblyese, ku të gjithë kanë mundësi që të marrin pjesë në lojë, për të fituar njërin nga dy iPhone 5, apo një nga 98 shpërblimet tjera nga Passion. Për ata që dëshirojnë të luajnë (që të jenë pjesë e lojës shpërblyese) mjafton që ta Pëlqejnë (LIKE) dhe ta Shpërndajnë (SHARE) faqen tonë në Facebook dhe automatikisht do të hynë në garë për të fituar njërin nga shpërblimet. Qëllimi është i thjeshtë: duam që familja jonë të zgjerohet vazhdimisht!”, ka thënë Betim Gashi, CEO i rrjetit të studiove të bukurisë “Passion”, gjatë një prononcimi për Telegrafi.

Betimi po ashtu ka premtuar se ata do të vazhdojnë të zgjerohen edhe më tej si në shërbime ashtu edhe në numër të studiove. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.