Arta me këngë ritmike
Arta Bajrami thotë se ajo është duke realizuar një këngë ritmike, por nuk planifikon ta lansojë së shpejti.“Pas suksesit të madh të këngës “Femër tipike” e cila këngë më solli mjaftë suksese, kam nisur punën për projekte të reja, mirëpo ato do t’i plasoj gjatë sezonit të verës. Adhuruesve do t’u japë ende kohë për ta shijuar këngën “Femër tipike”, kështu që pas saj do të pasojë një këngë ritmike e cila është realizuar nga Don Arbasi”.
“Mirëpo tani për tani dua që mos të plasoj asnjë projekt për shkak se adhuruesit duhet të kenë kohë dhe hapësirë për ta shijuar këngët e mia të cilat i kam plasuar më parë”.
“Jam një këngëtare që këngët e mia dua të jetojnë gjatë duke i lënë kohë të mjaftueshme njëra tjetrës. Prandaj gjatë stinës së verës do të sjellë këngën për të cilën tregova më lartë, e cila do ta ketë edhe videoklipin”, ka thënë Arta gjatë një interviste për të përditshmen “Zëri”. /Telegrafi/
