Ja Rule lirohet nga burgu

19:42 / 8.05.2013

Reperi dhe aktori amerikan, Ja Rule, është liruar nga një burg në New York ku qëndroi për disa muaj.

37-vjeçari ka vuajtur dënimin për mospagim të tatimeve, menjëherë pas dënimit për posedim të armëve.

Fillimisht, ai ishte dënuar me dy vjet burg për armëmbajtje pa leje në automjet, ndërsa dënimi tjetër vinte pasi në periudhën ndërmjet viteve 2004-2006 nuk kishte paguar tatim për të ardhurat prej tre milionë dollarësh.

Këngëtari është burgosur në korrik të vitit 2011 (për veprën armëmbajtje pa leje) dhe u lirua në shkurt të këtij viti, për t’u arrestuar menjëherë (për mospagim tatimi) dhe tash do ta vazhdojë arrestin në shtëpi.

Ja Rule e ka vuajtur dënimin në burgun federal “Ray Brook”, ndërsa deri më 28 korrik do të qëndrojë në arrest shtëpiak. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.