Dolce & Gabbana dizajnerë të Chelseat?
Jo, nuk kemi të bëjmë me vajzën e ish-presidentit amerikan Chelsea Clinton e cila së shpejti martohet, por kemi të bëjmë me klubin e futbollit Chelsea nga Londra, që ka nënshkruar kontratë trevjeçare me shtëpinë e modës Dolce & Gabbana, për dizajnimin e veshjeve të lojtarëve.Kontrata e porsanënshkruar do t’i shohë lojtarët si John Terry, Ashley Cole edhe Frank Lampard, të bartin veshje të dizajnuara nga dyshja fantastike italiane Domenico Dolce edhe Stefano Gabbana.
“Dolce & Gabbana janë top dizajnerë, të gjithë i njohin ata nëpër botë dhe është mjaft fitimprurëse kjo për klubin, që të ketë një brend ashtu siç është vet”, theksoi futbollisti Daniel Sturridge.
Domenico dhe Stefano që përkujdesen për dukjen e yjeve si David Beckham, Kylie Mingoue dhe Madonna, gjithashtu do të ridizajnojnë lozhën e drejtorëve të Chelseat, ashtu si hapësirën kryesore të pritjes për vizitorë. /Telegrafi/
Postuar: 18:08 / 29.07.2010 |
RSS 
