| |
|
Shënohet Dita botërore e personave me Sindromën Down
Personat e prekur me sindromën Down, që janë gjithsej 563 në Kosovë ende vazhdojnë të margjinalizohen nga stereotipat dhe botëkuptimet që mbizotërojnë në shoqërinë tonë dhe ende nuk respektohen të drejtat themelore të njeriut siç janë e drejta për përkujdesje profesionale shëndetësore, për edukim, asistencë personale dhe mirëqenie sociale- ky ishte mesazhi dërguar institucioneve të Kosovës për ta shtuar kujdesin ndaj personave të prekur me sindromën Down, më rastin e shënimit të 21 marsit, Ditës Botërore të Sindromes Down, që është mbajtur sot në Prishtinë nga organizata joqeveritare “Down Sindrom Kosova”, Zyra e Kryeministrit për Qeverisje të Mirë dhe Universiteti Amerikan i Kosovës, me moton “Mëso për mua”.Driton Bajraktari, drejtor ekzekutiv i OJQ-së “Down sindrom Kosova” theksoi se, me gjithë angazhimet nga institucionet e Kosovës, gjendja shoqërore e personave të prekur nga sindromen Down, është tejet e rëndë.
Më rastin e shënimit të Ditës Botërore të Sindromës Down, persona të prekur nga kjo sindromë, organizuan një program kulturor, në të cilin shprehen shkathtësitë dhe aftësitë e veta fizike e mendore. Në përmasa globale, sindroma Down prek 0.2 deri në 0.4 për qind të popullsisë. /rtk/
|
|
|
|
