Forma e trupit zbulon nëse jeni të shëndetshëm

16:04 / 2.02.2013

Sipas hulumtimeve më të reja, femrat që kanë kilogramë të tepërt në ija, kofshë dhe prapanicë kanë shanse më të mëdha që të sëmuren nga sëmundjet e zemrës.

Edhe pse është konsideruar se femrat që kanë trup në formë të dardhës nuk janë pjesë e grupit të rrezikuar sa i përket shëndetit të zemrës, hulumtimi i ri e ka dëshmuar të kundërtën.

Ekspertët nga universiteti “UC Davis”, në Kaliforni, kanë zbuluar se dhjami rreth ijëve prodhon një sasi anormale të dy proteinave, të cilat mund të sjellin deri te infektimet dhe rezistenca ndaj insulinës, e këta janë indikatorë të hershëm të rrezikut për zhvillimin e sëmundjeve të zemrës dhe diabetit të tipit 2.

Udhëheqësit e studimit kanë thënë se për një kohë të gjatë më të rrezikshmet janë konsideruar yndyrat në bark, derisa shtresat e dhjamit në kofsha dhe prapanicë - janë konsideruar pozitive, sepse supozohej se mbrojnë nga diabeti dhe sëmundjet e zemrës. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.