Zëvendësimi i gjalpit me margarinë mund ta dëmtojë shëndetin

23:19 / 7.02.2013

Meshkujt të cilët hanë margarinë në vend të gjalpit, ka gjasa që të jenë më të rrezikuar nga sëmurjet e zemrës.

Një studim i ri është publikuar në SHBA e në të kanë marrë pjesë meshkujt të cilët kishin pësuar sulm në zemër ose të cilët vuajnë nga angjina. Gjysma e tyre është këshilluar që ta reduktojnë konsumimin e yndyrave të kafshëve dhe të përdorin vaj bimësh dhe margarinë.

Rezultatet kanë treguar se njerëzit që kanë ngrënë ato produkte kanë pasur pothuajse dy herë më shumë shanse që të vdesin nga të gjithë shkaktarët, duke përfshirë edhe sëmundjet e zemrës.

Një grup hulumtuesish kritikon përdorimin e margarinës dhe vajrave të bimëve, duke thënë se në to ka substanca kimike të cilat sjellin deri te sëmundjet e zemrës. Një grup tjetër ekspertësh megjithatë e vë në diskutim këtë studim, duke thënë se nuk është mjaftueshëm e hollësishme. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.