Zënka Lubonja-Fevziu: "Zhduket" videoja e emisionit (Video)

14:06 / 19.01.2013

Zënka mes drejtuesit të emisionit “Opinion” në TV Klan dhe analistit të njohur Fatos Lubonja, ka tërhequr jo pak vëmendje në opinionin publik.

Lubonja, i cili prej më shumë se dy vitesh është thuajse pjesë e përhershme e panelit të ftuarve në emisionin e Fevziut, ka akuzuar këtë të fundit se ka përdorur “fuqinë” e tij për të përfituar leje ndërtimi të kundërligjshme, shkruan Shekulli.

Gjatë emisionit të drejtpërdrejtë, Fevziu ka debatuar gjatë me Lubonjën për këtë çështje duke i kërkuar që të faktojë një akuzë të tillë. Pas kësaj ai ka bërë kundër akuza ndaj Lubonjës duke bërë që edhe pse emisioni kishte titullin: “PD-PS akuzat ndaj njëra-tjetrës”, të kthehet në një emisioni “Lubonja-Fevziu akuzat ndaj njëri-tjetrit”.

Ky emision është transmetuar të enjten e kaluar dhe video është hequr nga faqja online e TV Klan-it. Nuk dihet se përse është bërë një gjë e tillë ndërkohë që zakonisht në atë faqe ngarkohet çdo emision i “Opinion-it”. /Telegrafi/ 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.