Majko: Nuk nënshkrova marrëveshjet Kosovë –Shqipëri, ishin edhe në gjuhën serbe

19:13 / 28.01.2013

Deputeti i PS-së dhe ish-ministri kryeministri i Shqipërisë, Pandeli Majko nuk ka pranuar të nënshkruante tri marrëveshje midis Shqipërisë dhe Kosovës. Madje, kjo sipas tij, u bë edhe pse nuk kishte dëshirën të mos i nënshkruante. Thotë se ka abstenuar ngase ato tri marrëveshje ishin përveç në gjuhën shqipe edhe në atë serbe.

Në statusin e tij në facebook, ai ka shkruar se tri marrëveshjet ishin të nënshkruara nga ministrat e Drejtësisë së dy vendeve dhe se shkas që nuk i ka nënshkruar është se marrëveshjet në fjalë ishin shkruar në shqip dhe serbisht.

“Kjo ndodh për herë të parë në marrëveshjet e nënshkruara midis dy shteteve. Mendoj se gjuha serbe nuk mund të jetë gjuhë ‘ndërkombëtare’ për marrëveshjet midis Shqipërisë dhe Kosovës. Ky është një precedent që ngjall keqardhje”, përfundon ai statusin e tij.

Ndryshe, Majko ishte i pari politikan shqiptar që pati reaguar për heqjen e lapidarit të UÇPMB-së në Preshevë nga xhandarmëria serbe ditë më parë./Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.