Irani ndalon qasjen në Facebook në prag të zgjedhjeve presidenciale
Qeveria iraniane shkurtimisht e ka ndaluar qasjen në Facebook për disa ditë para zgjedhjeve presidenciale në këtë vend, njofton agjencia iraniane e lajmeve.Me këtë hap qeveria, gjoja, dëshiron të parandalojë mundësinë që kandidati reformist Mir Hossein Mousavi ta shfrytëzojë këtë faqe shoqërimi online për fushatë të tij.
Nga Facebook ka ardhur paralajmërimi në të cilin thuhet se janë të dëshpëruar me një ndalesë të tillë, posaçërisht kur votuesit cdo ditë e më shumë kërkojnë informata për zgjedhjet dhe kandidatët në internet, Nga Teherani, megjithatë ende nuk ka ardhur asnjë koment në lidhje me këtë veprim.
Facebook aktualisht ka 175 milionë përdorues në mbarë botën. Iranianët të cilët tentojnë t’i qasen këtij rrjeti online ndeshen me porosinë në të cilën shkruan: "Qasja në këtë faqe nuk është e mundur".
Mir Hossein Mousavi, ish kryeministër iranian, është njëri prej konkurrentëve të më të fortë të presidentit aktual Mahmoud Ahmadinejad në zgjedhjet e ardhshme. Faqja e tij në Facebook ka mbi 5.000 adhurues.
Qasja në Facebook nga Irani sërish është rikthyer pas disa orëve ndërprerje.
Postuar: 6:26 / 27.05.2009 |
RSS 
