Wikipedia humb 49.000 përdorues "redaktorë"
Enciklopedia online Wikipedia gjatë tre muajve të parë të këtij viti ka humbur 49.000 redaktorë, respektivisht njerëz të cilët kanë futur dhe ndryshuar përmbajtjen e faqes, njofton BBC.Gjatë periudhës së njëjtë të vitit të kaluar vetëm 4.900 përdorues kanë ndërprerë futjen e përmbajtjeve në Wikipedia.
Sa për rikujtim kjo faqe/enciklopedi i inkurajon përdoruesit e saj që të ndryshojnë përmbajtjen.
Wikimedia UK, organizata e cila e kontrollon Wikipedian, ka mohuar se të dhënat e këtilla do të thonë se faqja është në probleme. Ata pohojnë se faqja është në kërkim të redaktorëve të cilët janë më profesional.
"Po tentojmë të lidhemi me njerëzit e arsimuar, me ekspertë, prandaj puna me muzetë është një hap logjik", ka thënë Michael Peel nga Wikimedia UK.
Ai ka shtuar se kjo nuk nënkupton se Wikipedia është duke u shuar. /Telegrafi/
Postuar: 11:20 / 26 Nentor 2009 |
RSS 
