Vjen Firefox 3.5.6
Përditësimi më i ri i shfletuesit Firefox të Mozillas me vete sjell përmirësime për tri lëshime të sigurisë.Firefox 3.5.6 e 3.0.16 zgjidhin një problem potencialisht shumë të rrezikshëm me korruptimin e memories, e në versionin 3.5.6 janë zgjidhur edhe lëshime kritike që lidhen me formatin Ogg. Në përgjithësi, në versionet e reja janë rregulluar 62 probleme që lidhen me stabilitetin dhe sigurinë e shfletuesit.
Shumicës së përdoruesve versionet e reja do t’u instalohen me anë të funksionit për përditësim automatik, mirëpo ato mund të shkarkohen edhe nga faqet zyrtare të Mozillas.
Në Mozilla gjithashtu kanë paralajmëruar se në muajin janar të vitit të ardhshëm do të ndërpresin mbështetjen për versionin Firefox 3.0, gjersa deri në fund të vitit do të duhej të lëshohej versioni final i Firefox 3.6.
