Askush nuk do te paguante për Twitter!
Në një hulumtim të ri, studiuesit zbuluan se gjysma e të gjithë amerikanëve të anketuar e kanë provuar një aplikacion falas në ueb, të ngjashëm me Twitter, ndërsa zero për qind e tyre do të ishin të gatshëm të paguajnë për të përdorur Twitter ose një shërbim të ngjashëm me të.Kjo mund të jetë lajm i keq për të gjithë ata që mendojnë të fillojnë një biznes duke krijuar një rrjet social, e të cilët si strategji kryesore për të arritur deri tek të hyrat e biznesit i kanë abonimet me pagesë, të cilat do t’i merrnin nga përdoruesit.
Ky zbulim është bërë nga Shkolla për Komunikim dhe Gazetari - USC Annenberg, një studim që ndjek sjelljet e mediave dhe rrjeteve sociale online, për nëntë vitet e fundit.
"Studimi ka gjetur ekstreme që kanë prodhuar përgjigje të tilla si, zero për qind e njerëzve në internet janë të gatshëm të paguajnë për ndonjë gjë, të cilën ata tashmë e marrin gratis" tha Jeffrey I. Cole, drejtori i Shkollës Annenberg, përkatësisht i njësisë - Center for the Digital Future.
"Konsumatorët vërtetë dëshirojnë përmbajtje falas dhe pa reklama" thotë Cole, "por në fund të fundit ata e kuptojnë se përmbajtja duhet të paguhet në një mënyrë ose tjetër." / Telegrafi
