Arrestohen shtatë persona të dyshuar për krim të organizuar

13:15 / 13.12.2012

Të enjten në mëngjes janë arrestuar shtatë të dyshuar dhe janë bastisur tetë lokacione në një operacion të kryer nga një Ekip i Përbashkët Hetues i Njësisë së Policisë së EULEX-it për Hetimin e Krimit të Organizuar dhe Departamentit për Krim të Organizuar të Policisë së Kosovës.

Operacionin e ka mbikëqyrë një prokuror i EULEX-it nga Prokuroria Speciale e Kosovës (PSRK) pas marrjes së autorizimit nga ana e gjyqtarit të procedurës paraprake të EULEX-it të Gjykatës së Qarkut të Prizrenit.

Të dyshuarit janë arrestuar në kontekst të një hetimi të një grupi transnacional të krimit të organizuar. Ata akuzohen për krim të organizuar dhe kontrabandë të migruesve.

Arrestimet pasojnë dy operacione të mëhershme nga Ekipi i Përbashkët Hetues në Kosovë, në dhjetor 2011 dhe në prill 2012, në të cilat janë paraburgosur anëtarët e tjerë të supozuar të grupit të njëjtë kriminal.

Më 11 dhjetor 2012 është ngritur një aktakuzë kundër të dyshuarve të arrestuar më parë.

Operacioni po ashtu përkon me arrestimin e dyzet e pesë anëtarëve të tjerë të dyshuar të grupit kriminal i cili dje ndodhi në rajonin e Ballkanit. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.