Shqevi rrezikon 10 vjet në qeli

10:46 / 30.12.2012

Mbyllen hetimet ndaj ish-të përndjekurit politik Perikli Shqevi. Ky i fundit akuzohet për plagosjen e rëndë me dashje të shokut të tij, Gjergj Ndreca. Prokuroria ka dërguar dosjen e plotë në Gjykatën e Tiranës, ku pritet që të nisë edhe gjykimi i çështjes. Në kërkesën për gjykim, përcaktohet se mbi Shqevin rëndon akuza e plagosjes së rëndë me dashje, vepër penale që ndëshkohet me tre deri në dhjetë vjet burg.

Ish-i përndjekuri politik pritet që të gjykohet, pasi ai akuzohet se i ka vënë flakën shokut të tij, Gjergj Ndreca, gjatë zhvillimit të grevës së urisë afro katër muaj më parë. Pas kësaj ngjarjeje, ka reaguar edhe shoku i tij, Ndreca, i cili ka kërkuar që miku i tij, të lihet i lirë.

“Unë ia kam vënë vetë flakën vetes dhe shoku im duhet të lihet i lirë, pasi ai është i pafajshëm”, ka deklaruar Ndreca, pas arrestimit të ish-të përndjekurit, Perikli Shqevi, shkruan “Gazeta Shqiptare”.

Por edhe pas këtyre deklaratave, gjykata ka vendosur masën “arrest shtëpie” për ish-grevistin. Në muajin shtator, një grup të përndjekurish politikë ndërmorën një grevë urie për të fituar të drejtat e tyre. Por me kalimin e kohës brenda çadrës së grevës u shënuan edhe disa incidente, siç ishte ai i aktit të vetëdjegies të Gjergj Ndrecës, për të cilin akuzohet miku i tij, Shqevi, se ishte ai personi që i vuri flakën. Por gjatë kësaj greve edhe ish-i përndjekuri tjetër, Lirak Bejko, i vuri flakën vetes, çka rezultoi fatale për jetën e tij. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.