Shqipëri: Maskat rikthehen në rrugë

11:58 / 5.01.2013

Mëngjesi i sotëm u ka sjellë ndër mend banorëve të Matit tmerret e vitit të mbrapshtë 1997-s, kur grabitësit nën kërcënimin e armës bënin terror në akset rrugore.

Burime zyrtare nga policia lokale bëjnë me dije se në orët e para të mëngjesit të sotëm, rreth orës 02:00, persona ende të paidentifikuar i kanë dalë përpara një furgoni pasagjerësh në aksin rrugor Burrel-Milot, në afërsi të fshatit Bushkash, duke i kërkuar që të ndalonte.

Mësohet se drejtuesi i mjetit, i cili udhëtonte i vetëm, nuk është ndalur dhe për pasojë personat e maskuar kanë qëlluar me armë në drejtim të furgonit me targa “MT 3389 A”, shkruan “BalkanWeb”.

Fatmirësisht shoferi nuk është lënduar dhe ka arritur të largohet me shpejtësi, ndërkohë që policia po vijon hetimet për zbardhjen e ngjarjes dhe identifikimin e autorëve. Paraprakisht dyshohet se bëhet fjalë për një tentative grabitjeje, ndërsa po hetohet edhe në pista të tjera.

Kjo nuk është hera e parë që maskat u zënë “pritë” makinave në afërsi të fshatit Bushkash dhe nën kërcënimin e armëve u grabisin drejtuesve të mjeteve dhe pasagjerëve varëset, celularët dhe paratë që kanë me vete. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.