Shpërthen bombola e gazit, plagoset rëndë çifti Osotvica
Shpërthimi i një bombole gazi në ambientet e një dyqani në Berat ka lënë të plagosur rëndë dy persona.Burime nga Policia thonë se janë identifikuar dy të plagosurit, Feim Ostovica dhe Zenepe Ostovica të cilët kanë qenë duke mbushur një bombol gazi në dyqanin e tyre, njofton Noa.
Dy të lënduarit janë dërguar menjëherë në spital për të marrë trajtimin e duhur. Gjendje e tyre nga mjekët vlerësohet të jetë e rëndë, ndërsa policia e shtetit bëri të ditur se është duke i vazhduar hetimet për zbardhjen e shkaktarëve që çuan në shpërthimin e bombolës së gazit. /Telegrafi/
