Pejë, arrestohet i dyshuari për vjedhjet në ETC dhe Interex

19:42 / 17.01.2013

Shtetasi Shqipërim (T.) D. (1984) është arrestuar nga policia në Pejë për shkak të dyshimeve se është i dyshuar për vjedhjet në parkingjet e qendrave tregtar ETC dhe INTEREX, të cilësuara si vjedhje të rënda.

Zëdhënësi i policisë në Pejë, Xehvat Ibra, ka deklaruar se viktimat F.M., A.P., R.H., A.M. dhe S. V., kanë raportuar rastet, duke deklaruar se pasi kanë dalë nga qendrat tregtare i kanë gjetur automjetet e tyre të hapura dhe sipas të njëjtëve nga aty ju janë vjedhur gjësende të ndryshme me vlerë, si: portofole me dokumente të ndryshme dhe të holla, çanta dore, artikuj ushqimorë dhe sende të tjera me vlerë.

“I dyshuari gjatë intervistimit ka pranuar t’i ketë kryer veprat e cekura me lartë”, ka deklaruar zëdhënësi Ibra, transmeton KP.

Me vendim të prokurorit të shtetit nga Prokuroria Themelore në Pejë, ky i dyshuar fillimisht ishte në ndalim policor dhe pastaj është dërguar para gjyqtarit të procedurës paraprake në Gjykatën Themelore Pejë, dhe me vendim iu ka vazhduar masa e paraburgimit. /Telegrafi/


 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.