Tiranë, 37-vjeçari shpëtohet në çastet e fundit nga vdekja - teksa vetëvarej

20:19 / 27.01.2013

Një telefonatë e mbërritur në sallën operative të policisë ka shpëtuar jetën e një 37-vjeçari i cili tentoi të vetëvarej. Ngjarja ndodhi paraditen e sotme në rrugën “Karl Gega”, pranë Stacionit të Trenit në Tiranë.

Burime policore thanë për NOA se 37-vjeçari Astrit Merja u gjet nga forcat policore i varur në litar në një kasolle teksa përpëlitej.

Ndërhyrja e menjëhershme e policisë i shpëtoi jetën Merjas, i cili u transportua me urgjencë drejt spitalit.

Nga hetimi doli se 37-vjeçari tentoi t’i jepte fund jetës në kushte të rënda të depresionit. Megjithatë po vijojnë hetimet për të zbuluar shkaqet e plota të kësaj ngjarjeje.

“Ka qenë një telefonatë anonime e cila i shpëtoi jetën Astrit Merjas në sekondën e fundit. Policia e gjeti Merjën teksa përpëlitej në litar”, thanë burimet policore. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.