Trashëgimia kulturore trafikohet drejt Greqisë

21:55 / 31.01.2013

Një sërë ikonash dhe veprash të objekteve të kultit të vjedhura në kishat e Shqipërisë, me synim trafikimin drejt Greqisë dhe të bllokuara në pikën e kalimit kufitar të Kakavijës, janë trafikuar nga një i ri durrsak.

Burime zyrtare nga policia thanë për NOA se autor i trafikut të tyre është 24 vjeçari Edjon Abazi, i cili i kishte fshehur objektet në valixhen e tij të udhëtimit.

Gjatë kontrollit në vijën e dytë të bagazheve të pasagjerëve që udhëtonin në makina të vogla në drejtim të shtetit grek, një i ri nga Durrësi i cili udhëtonte si pasagjer në një autoveturë, në çantën e tij iu gjetën një numër i konsiderueshëm vepra të kulteve fetare, si kryq, piktura, pjesë të ikonostasit, të epitafit etj. vepra të vjedhura në kisha të ndryshme.

Nga ana e policisë u bë arrestimi i Abazit, ndërsa po punohet për zbulimin e origjinës dhe të përfshirëve të tjerë në trafikun e veprave të kultit

Mësohet se objektet që i riu tentoi të trafikonte janë pjesë e trashëgimisë kulturore. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.