Shteti përgjegjës për vrasjen e Diana Kastratit

9:07 / 26.02.2013

Shteti i Kosovës mbahet përgjegjës për vrasjen e Diana Kastratit. Gjykata Kushtetuese, e cila ka nxjerrë verdiktin për këtë rast, ka konstatuar se së ndjerës i ishin shkelur të drejtat individuale, kur dy vjet më parë shteti nuk i kishte ofruar mbrojtje asaj, ndonëse mbrojtjen e kishte kërkuar në organet e rendit dhe të drejtësisë, pasi ishte kërcënuar me vdekje, pak kohë para se të vritej nga ish-bashkëshorti i saj.

“Gjykata ka përfunduar se, në këtë rast, kemi të bëjmë me cenim të së drejtës për jetë”, ka thënë një burim i gazetës “Koha Ditore” brenda Kushtetueses.

“Ka një muaj që është vendosur në këtë rast. Aktgjykimi do të publikohet të martën. Vendimi i gjyqtarëve nuk është unanim, prandaj bashkë me të do të publikohet edhe mendimi i ndarë i një gjyqtari”.

Burimi i gazetës nuk ka krijuar qasje në aktgjykim dhe nuk ka dhënë detaje as për përmbajtjen e arsyeshmërisë së aktgjykimit.

Ndërkaq, Gjykata Kushtetuese nuk ka konfirmuar lajmin gjatë së hënës. Ka thënë se rasti vazhdon të jetë në shqyrtim. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.